حبك مش اكتر من رهان

واحد عمره ما حب
الحب ماكان فى باله
اكتر حاجة عملها
يرسم حبيبة فى خياله

و اهي باقى الحكاية
هاحكيها من البداية
و اللى عمره ما حب
يسمعها للنهاية


فى مرة جاتلو واحدة
بتقولو كلمة واحدة
كانت كلمة بحبك
و عشانك راح اعيش

رد و قال الحقيقة
قالها احسن طريقة
تشوفي حد غيري
دا الحب انا فيه ماليش

رجعت تحكيله تانى
توصف حب و اغانى
قلبه المرة دى قال
بقى كل دا عشانى

اداها عمره كلو
مابخلش عليها ثانية
لقى نفسه فى يوم لوحده
و لقاها واحدة تانية

و سألها فين وعودك
و الحب و الحنان

ضحكت و قالتلو حبك
مش اكتر من رهان

رهـــــــــــــــــــــان

و ادينى خلاص كسبتو
انسى كل اللى كان

مازعلش فى يوم عليها
انها كانت خاينه وعده
لكن كان كل ندمه
انه غير مبادؤه
و ادى واحد عمره ما حب